2010-cu ilin 16-18 iyun tarixlərində Fransanın Paris şəhərində ANNA-nın səhmdarlarının Ümumi Yığıncağı keçirilmişdir. Yığıncaqda ANNA-nın səhmdarı qismində Milli Depozit Mərkəzi də təmsil edilmışdir.

Toplantıda təşkilatın il ərzində gördüyü işləri barəsində hesabat verilmiş, gələcək fəaliyyət istiqamətləri müəyyən edilmışdir.

1992-ci ildə təsis edilmiş ANNA təşkilatının əsas məqsədi qiymətli kağızlar və digər maliyyə alətlərinin vahid identifikasiya prinsiplərinin tətbiq edilməsi ilə milli fond bazarlarının inteqrasiyasına dəstək olmaq və beynəlxalq infrastruktur mərkəzinə çevrilməkdir. ANNA-nın üzvü olan təşkilatlar qiymətli kağızlara İSİN və CFİ beynəlxalq identifikasiya kodlarının verilməsi üzrə səlahiyyət verilmiş nömrələyici agentliklər hesab edilirlər.

ANNA-nın 79 tam üzvü və 27 əməkdaşı 118 ölkəni təmsil edən infrastruktur təşkilatları-depozitarlar, birjalar və tənzimləyicilərdir.

MDM 03 iyun 2008-ci il tarixindən ANNA-nın tam hüquqlu üzvüdür.